Trainingsplan

Ich bin sehr oft gfröget worde wie ich trainiere, was mach ich vor de wettkämpf, was nach de wettkämpf und überhaupt eifach wie mis training ufbaut isch.

Vor grosse Wettkämpf mach ich mer immer en Trainingsplan. Eigentlich han ich eine immer im Kopf aber für grossi Aläss (wie z.b. d Wushu WM) wet ich genau plane was ich wänn mache....

Wetsch me wüsse?


Bevor mer zum Trainingsplan möchet paar background-info zu dem:

De grundlegendi Ufbau vo mim training isch immer glich. Das bedütet, dass mis Training immer folgendi Element beinhaltet:

• Ufwärme
• Dehne
• Grundschuel
• Moves
• Sprüng
• Krafttraining/Kondition

Ufwärme
Meistens sekkle ich eifach umenand ca. 10min und sorge eifach defür, dass ich warm wird und min puls echli stiigt.

Dehne
Ich Wushe extrem wichtig netürlich. Einersiits zum d felxibilität z verbesser, andersits aber au zum verletzige vorbüge. Verletzige gits nid nur bide Sprüng sondern au bi bewegige wenn du dich schnell bewegsch und nid gnueg guet dehnt hesch (z.b Schultere, Chnü, Rugge, etc.)

Grundschuel
Basic Kicks und schläg.. ich denke da muen ich nid viel dezue säge. Viel unterschetzet Grundschuel sehr. Au ich bin eine vo dene gsi wo lieber alles andere gmacht het wie Grundschuel. Spötestens denn wo ich gmerkt han, dass es nüme eso vorwärts gat (das vorallem wo ich z China gsi bin) han ich mich sehr uf Grundschuel konzentriert.

Moves
Kurzi bewegige vo de Form. Z.b 3-4mal die glieche Bewegige . Da acht ich nid dadruf dass ichs  mega schnell mache sondern eher druf dass ichs korrekt mache und sueche nach pünkt wo ich verbessere chan.

Sprüng
Zerst spring ich eifach mal echli ume. Mal eher id höchi nachher eher dreige.. eifach zum mal dri'n'ine cho. Nachher fangt mit Grundschuel vo de Sprüng a und steigere mich denn bis ich denn de effektivi Sprung mit landig mache.

Krafttraining/Kondition
Öppis wo nüme wegzdenke isch. Ich trainiere je nachdem verschiedeni Bereich vo mim Körper und luege dass ich am nächste Tag was anderes trainiere (ier gsends denn ufem Plan).


So all das isch Teil vom Training unabhängig devo ob ich en Trainingsplan han oder nid.


Jetzt nun zum Trainingsplan an sich:


Zerst han ich mer mal überleit was wet7chan/sött ich alles trainiere und das isch debi usecho:

Krafttraining han ich unterteilt in verschiedeni Mukkis. Unter Wushu han ich eigentlich nix speziells ufgschribe da mis training ja immer die element beinhaltet wo ich vorher ufgschribe han. Da isches unnötig ufzschribe (2 lengene die üebig, denn das, etc.)
 Das isch quasi min Spickzettel zum checke weli uebige ich mache mues.

Alli folgende bletter gsend denn eso us:

Ja ich weiss es stat "Mission: Wushu WM 2013" ich nimme immmer so Titel zum mier wieder bewusst sie für was ichs mache.. und ja usserdem gsets au geil us :)


Ich schribe s Datum uf und legge den los!
Ich han scho unterteilt weli mukkis ich pumpe wet a dem Tag :)
Mäntig isch z.B. Bei, Rugge und BIZEPS! Also nimm ich min Spickzettel und gange jedi üebig für Bei,Rugge und Bizeps dure (3x12 wiederholige)



S Wushu han ich ufteilt in verschiedeni Forme. Am Mäntig kontrier ich mich uf Nanquan und am Dienstag uf s Sprüng, denn Mittwuch uf Nandao und so wiiter.

Jede Tag mach ich me oder weniger de glichi ablauf wie ebe obe scho mal erwähnt. Aber am Mäntig mach ich nur Nanquan un kontrier mich voll uf d bewegige, schnelligkeit, usruck, style etc.
Am Dienstag mach ich echli Nanquan & Nandao aber konzentrier mich me uf d Sprüng.

Rechts devo mach ich es paar notitze für mich. Z.b wie ich mich fühle vorem training, wie's mer gat wärend em training, was ich mer guet glunge und was weniger. Warum mach ich das?
Es git ziite da hesch eifach 1 Wuche lang es tüüf. Nüt gat eso guet, du bisch schlapp, motiviert bisch au nid und meistens hanget das mit dim Alltag zäme.

So chasch nachher dini Notitze dureblettere und gsesch z.B. dass du ide letschte paar täg schlecht glunt gsi bisch, vilicht hesch sust privati problem gha oder schmerze am Körper.
Mit dem han ich e methode gfunde "schlechti phasene" z vermiide.

Wo ich mich vor 2 Jahr für d WM vorbereitet han ich paar so phasene gha und es het mer sehr ghulfe wenn ich han chöne gse wie es mer so gange isch.


So en jetzt denksch der vilicht: "Geil das machi au!" oder "Aaaa so en keyken da bruchi nöd!"


Eigentlich spilts kei Rolle wies du machsch. Es muen eifach dier passe und no wichtiger isch dass dus au dureziesch. Du chasch de geilsti Trainingplan ha aber wenn du dich nid dra haltisch denn bringts nüt. Usserdem chasch du nid eifach en Trainingsplan vo me andere kopiere und meine du wirsch die gliche fortschrit erziele. En Trainingsplan muen für dich bestimmt si, dim Trainingsrythmus, Alltag, Level etc. apasst si.

Was meinsch du dezue? Hesch du au sowas?